<![CDATA[Asiyah, Nur. “Upaya Peningkatan Keterampilan Menulis Paragraf Deskripsi Berbahasa Jawa dengan Media Gambar pada Siswa Kelas XI TKR. D SMK Muhammadiyah Kutowinangun Kebumen Tahun Ajaran 2012/ 2013”. Program Studi Pendidikan Bahasa dan Sastra Jawa. Universitas Muhammadiyah Purworejo. 2013. Perkawis ingkang badhe dipunteliti wonten panaliten inggih punika: 1) lampahipun pasinaon nyerat paragraf deskripsi ngangge basa Jawa kaliyan media gambar dhuateng para siswa kelas XI TKR. D SMK Muhammadiyah Kutowinangun Kebumen, kaliyan 2) kadospundi ngindhakipun kawegikan nyerat paragraf deskripsi ngangge basa Jawa kaliyan media gambar dhateng para siswa kelas XI TKR. D SMK Muhammadiyah Kutowinangun Kebumen. Teori ingkang dados dhasar wonten panaliten inggihpunika: 1) teori saking Tarigan (2008: 22), nulis inggih punika ngandhapaken utawi nyerat lambang-lambang grafik ingkang gambaraken salah setunggaling basa ingkang dipunginakaken dhening tiyang, satemah tiyang sanesipun saged mangertosi basa kaliyan lambang grafik, 2) teori saking Wiyanto (2006: 59-68), paragraf deskripsi inggih punika paragraf ingkang gadhah tujuan maringi kesan kangge pamaos dhening objek, ide, panggenan, prastawa, kaliyan sapanunggalanipun ingkang dipun wedharaken dening panyerat, 3) teori saking sadiman dkk (1984: 29) piranti gambar inggih punika piranti ingkang paling umum dipun ginakaken. Subjek panaliten siswa kelas XI TKR. D SMK Muhammadiyah Kutowinangun Kebumen saking jumlah siswa 38. Objek panaliten inggih punika kaprigelan nyerat paragraf deskripsi siswa. Panaliten tindakan kelas dipun lampahi tiga tahap, inggih punika prasiklus, siklus I kaliyansiklus II. Instrumen panaliten yaiku tes kaliyan nontes. Saking hasil panaliten dipun mangertosi: 1) lampahipun pasinaonan ngginakaken piranti gambar kangge mindhakaken kawegikkan nulis paragraf deskripsi ngginakaken bahasa Jawa,2) mindhakipun kawegikkan nyerat paragraf deskripsi ngginakaken basa Jawa kaliyan piranti gambar saking pra siklus, siklus I ,kaliyan siklus II. Mindhakipunnilai rata-rata saking pra siklus 56,21 tumuju siklus I 70,91, inggih menika 14,7, lan siklus I 70,91 tumuju siklus II 78,21, inggih menika 7,3. ngindhakipun ketuntasan saking pra siklus 10,52%, siklus I 54,05%, kaliyan siklus II 92,10%. Ngindhakipun saking pra siklus ngantos siklus I 43,53%, saking siklus I ngantos siklus II 38,05%. ]]>
