cover
Article Per Year (5 Year)
All
Home Page
OAI Link
Editorial Team
Contact
Reviewer
Google Scholar
Contact Name
Respati Retno Utami
Contact Email
respatiutami@unesa.ac.id
Phone
+6285736709270
Journal Mail Official
jurnalbaradha@unesa.ac.id
Editorial Address
Jl Lidah Wetan, Lidah wetan, Kecamatan Lakarsantri, Kota Surabaya, Jawa Timur 60213
Location
Kota surabaya,
Jawa timur
INDONESIA
Jurnal Online Baradha
Published by Universitas Negeri Surabaya
ISSN : -     EISSN : 22525777     DOI : https://doi.org/10.26740/job.v17n1
Core Subject : Humanities, Education, Art,
Arts Humanities Education Languange, Linguistic, Communication & Media
JOB (Jurnal Online Baradha) is an open access journal published by the Javanese language and Literature Education Study Program, Faculty of Languages and Arts, Universitas Negeri Surabaya. First published issue of Volume 1 No 1 in 2009 with 1 article in it. JOB: Jurnal Online Baradha is published twice a year, namely in June and November. JOB (Jurnal Online Baradha) has an International Standard Serial Number (ISSN) in both print and electronic versions, e-ISSN 2252-5777 (electronic version). Focus and Scope JOB (Jurnal Online Baradha) is a scholarly journal that presents literature, culture and local wisdom, linguistics, and Javanese philology or manuscripts and javanese language teaching, including: Javanese language education Javanese tradition Javanese folklore Javanese art Javanese literary criticism Javanese morphology Javanese semantics Javanese philology
Arjuna Subject : Umum - Umum
Articles 386 Documents
 4   5   6   7   8 
SET PRABOT PAWON ADHEDHASAR MAKNA REFERENSIAL ANDI SUSILO
JOB (Jurnal Online Baradha) Vol 3 No 3 (2016): Volume 3 edisi Yudisium 2017
Publisher : Universitas Negeri Surabaya

Show Abstract | Download Original | Original Source | Check in Google Scholar | Full PDF (345.805 KB) | DOI: 10.26740/job.v3n3.p%p

Abstract

Set Prabot Pawon Adhedhasar Makna Referensial minangka panggolongan barang - barang ing pawon kang nduweni eneran. Panggolongan kasebut nduweni kalu ngguhan kang wigati tumrap panguripane manungsa. Set minagka pasinaon kanggo merang barang - barang adhedhasar jinis, sipat, lan panganggone. Perangan - perangan kasebut saka wilayahe teges sajrone ilmu semantik. Set kalebu sesambungan paradigmatik. Anane pa nggolongan kasebut bisa nggampangake manungsa kanggo mbedakake saha mangerteni piguna saka prabot pawon kang durung dingerteni sadurunge. Adhedhasar panliten ing ndhuwur, punjere panliten yaiku: 1) Apa wae golongan prabot pawon adhedhasar makna referensial, lan 2) Kepriye sesambungan paradigmatike. Dene tujuwane panliten iki yaiku, njlentrehake golongane prabot pawon adhedhasar makna referensial lan njlentrehake sesambungan paradigmatike. Panliten ngenani prabot pawon adhedhasar makna referensial iki nggunakake metodhe deskriptif kualitatif. Sumber dhata panliten iki yaiku arupa wawancara karo pawongan kang mangerteni prabot pawon. Dene teknik sing digunakake kanggo nglumpukake dhata yaiku teknik semak sing diperang dadi lima, yaiku sadhap, semak libat cakap, semak bebas cakap, rekam, lan teknik cathet saliyane iku uga nduweni sipat njlentrehake utawa ngandharake kanthi cara analisis merang lan nuduhake barang. Panliten iki ora mung njlentrehake jinise prabot pawon adhedhasar makna refrensial, anan ging uga nganalisis supaya luwih cetha anggone merang saha nyinaoni apa kang ditegesi makna referensial mligine ngenani barang, lan apa wae barang sing bisa digawe titikan kanggo ngandharake makna referensial Panliten ngenani prabot pawon adhedhasar makna referensial iki nduweni sipat deskriptif amarga ditindakake utawa diandharake adhedhasar fakta utawa wantah yaiku makna kang sabenere. Teori kang digunakake sajrone panliten iki yaiku perangan sak wilayah teges sajrone ilmu semantik kang diandharake Pateda lan makna kang langsung marang kasunyatan , kedadeyan, barang, tandha, ciri, lan sapanunggale. Makna referensial yaiku makna kang langsung tumuju marang tembung kang dikarepake, utawa maknane ana sesambungane kalawan kasunyatan lan wis disarujuki ing bebr ayan. Asile panliten sing sepisan yaiku golongane set prabot pawon iku apa wae lan kepriye sesambungan paradigmatike . Kamangka cacahe prabot pawon kasebut uga akeh, ana panliten iki panulis ngandharake saha nganalisis prabot pawon kurang luwih cacahe ana 75. Saka dhata - dhata kang wis diandharake mau banjur diperang adhedhasar jinis saha wujud, lan pangango saha bakale. Kabeh perangan mau dikarepake supaya panulis bisa gampang anggone analisis saha pamaca bakale ngerti kepriye kang dimaksud ana panliten iki mau. Tembung - tembung sing wigati: Set prabot pawon adhedhasar makna referensial, lan sesambungan paradigmatik.
KABUTUHAN RASA AMAN PARAGA UTAMASAJRONE CERBUNGSRENGENGE TENGANGEANGGITANE SUHINDRIYO: TINTINGANPSIKOLOGI HUMANISTIK ABRAHAM MASLOW EDI SUSANTO
JOB (Jurnal Online Baradha) Vol 3 No 3 (2016): Volume 3 edisi Yudisium 2017
Publisher : Universitas Negeri Surabaya

Show Abstract | Download Original | Original Source | Check in Google Scholar | Full PDF (495.133 KB) | DOI: 10.26740/job.v3n3.p%p

Abstract

Cerbung Srengenge Tengange anggitane Narko Budiman nyeritakake ngenani lakon paraga utama yaiku Anisa. Anisa kang nandhang utang piutange bojone. Anggone ngupaya pepenginane kanggo nyaur utang lan mar emake kabutuhan sajrone uripe kasebut, mula nuwuhake saperangan kang wigati sajrone dhiri pribadhine paraga utama. Adhedhasar lelandhesane panliten kasebut, underane panliten iki yaiku: 1) kepriye gegambarane kabutuhan rasa aman paraga, 2) kepriye proble m saka kabutuhan rasa aman paraga utama, lan 3) kepriye upayane nyukupi kabutuhan rasa aman paraga utama. Underane panliten ing antarane yaiku 1) ngandharake gegambarane kabutuhan rasa aman paraga utama, 2) ngandharake problem saka kabutuhan rasa aman para ga utama, lan 3) ngandharake upayane nyukupi kabutuhan rasa aman paraga utama. Saka sakabehe punjere panliten iki, cerbung Srengenge Tengange dianalisis nggunakake tintingan psiokologi humanistik teorine Abraham Maslow. Jinis panliten iki kalebu panliten deskriptif kualitatif. Sumber dhata yaiku arupa teks cerbung Srengenge Tengange anggitane Narko Budiman, dene dhata ing panliten iki yaiku tetembungan kang tinulis, ukara lan wacana kang ngandhut motif psikologis tumrap paraga utama. Teknik ngumpulake dhat a sajrone panliten yaiku kanthi studhi pustaka, sitem tandha, lan cathetan. Tata cara nganalisis dhata kaperang dadi: 1) tahap panjlentrehan dhata, 2) dhata diklasifikake miturut undera panliten, 3) interpretasi yaiku panliten nggunakake analisis isi, ngen ani isi crita. Paedahe panliten iki yaiku tumrap pamaca bisa nambah kawruh. Dene tumrap piwulangan sastra, mligine marang mahasiswa kaajab bisa migunani kanggo panliten sabanjure. Salaras karo underane panliten, asile panliten kaperang dadi telu yaiku kap isan ngenani gegambaran kabutuhan rasa aman paraga utama sajrone cerbung Srengenge Tengange yaiku 1) kabutuhan rasa aman saka utang, 2) kabutuhan rasa aman saka tagihan bank, lan 3) kabutuhan rasa aman saka tagihan koprasi. Problem kang tuwuh saka kabutuha n rasa aman diperang dadi pitu yaiku 1) rasa wedi, 2) rasa kuwatir, 3) rasa trauma, 4) pikiran mbruwet, 5) sarwa salah, 6) rikuh, 7) ati judheg. Problem kang onjo sajrone cerbung Srengenge Tengange yaiku problem rasa wedi. Pungkasan upaya mungkasi problem saka kabutuhan rasa aman 1) gelem nampa pamawase liyan, 2) nyilih dhuwit lan 3) dadi penyanyi. Tembung wigati : Psikologi humanistik, Kabutuhan rasa aman.
BASA FIGURATIF, SARANA RETORIKA LAN ASPEK DEVIASI BASA SAJRONE ANTOLOGI GEGURITAN SERAT PLEROK ANGGITANE YUSUF SUSILO HARTONO (Tintingan Stilistika) Hikmawati Hikmawati; Bambang Purnomo,
JOB (Jurnal Online Baradha) Vol 16 No 7 (2020)
Publisher : Universitas Negeri Surabaya

Show Abstract | Download Original | Original Source | Check in Google Scholar | Full PDF (692.786 KB) | DOI: 10.26740/job.v16n7.p%p

Abstract

Abstrak Antologi geguritan Serat Plerok anggitane Yusuf Susilo Hartono mujudake sawijine karya sastra kang narik kawigaten jalaran ngandhut tetembungan kang endah, tembung-tembung kang rinasa aneh lan saperangan tembung sing durung ana tegese (padhane), martandhakake style lan jembare wawasane panggurit sarta mujudake kamardikan panggurit anggone ngronce tetembungan ing geguritan (lisensia puitika). Tembung-tembung kang menawa rinasa aneh dening para pamaca. Kanthi tuwuhe tembung-tembung aneh mau, Yusuf Susilo Hartono nangkep lan mangerteni kanyatan bab-bab kang ana ing sanjabane nalar (logika). Sajrone maca antologi geguritan Serat Plerok, para pamaca dijak balapan ngoyak makna jiwa saperlu nyawang jembaring jagad gumelar. Kanggo mbabar jerone makna lan werdi kang kinandhut sajrone Serat Plerok iki dibutuhake tintingan stilistika. Tintingan stilistika uga digunakake kanggo medhar gaya basa (style) pangripta lan semiotik kanggo medhar isi sajrone geguritan-geguritan kasebut. Sajrone antologi geguritan Serat Plerok anggitane Yusuf Susilo Hartono ditemokake telung aspek stilistika kang dadi style panggurit yaiku basa figuratif, sarana retorika lan aspek deviasi basa. Mula, sajrone panliten iki bakal dirembung (1) wujude basa figuratif awujud majas metafora, (2) sarana retorika kang awujud repetisi lan (3) aspek deviasi basa awujud deviasi. Saka 58 geguritan kang ditliti ditemokake 22 dhata kang ngandhut basa figuratif awujud majas metafora, 34 dhata ngandhut sarana retorika awujud repetisi kang dipantha maneh dadi: anadiplosis (6 dhata), aliterasi (8 dhata), anafora (8 dhata) mesodiplosis (8 dhata) lan kiasmus (5 dhata), sarta 18 dhata kang ngandhut aspek deviasi basa awujud deviasi leksikal. Tembung wigati: basa figuratif, sarana retorika, deviasi, metafora, repetisi
BASA DOL TINUKU PAK CEMPLON ING SAJRONE YOUTUBE AKUN DOLAN ADOH (TINTINGAN SOSIOLINGUISTIK) Imam Rosyidin Amin; Surana Surana
JOB (Jurnal Online Baradha) Vol 16 No 7 (2020)
Publisher : Universitas Negeri Surabaya

Show Abstract | Download Original | Original Source | Check in Google Scholar | Full PDF (381.867 KB) | DOI: 10.26740/job.v16n7.p%p

Abstract

Abstrak Maneka werna basa bisa ditemokake ing sajrone bebrayan. Piranti komunikasi anggene cecaturan yaiku basa sing digunakake menungsa anggene cecaturan marang liyane. Kekarepane anggene cecaturan utawa komunikasi marang liyane ngandhut ancas tartamtu saka panuture. Pasar salah sawijine papan panggonan bisa ditemokake basa sing maneka werna. Salah sawijine wong dodolan ing pasar yaiku Pak Cemplon sing dadi objek panliten. Basa dialek lan logat sing unik saka Pak Cemplon nduweni nilai luwih marang sing arep tuku dadi bisa sumringah atine. Akeh wong sing ora arep tuku dadi arep tuku amarga Pak Cemplon bisa gegojekan marang liyane. Andhedhasar andharan kasebut ing panliten iki ngandhut telung andharan panliten, (1) Kepriye wujud basa sajrone dol tinuku Pak Cemplon ing youtube, (2) Kepriye wujud campur kode sajrone dol tinuku Pak Cemplon ing youtube lan, (3) Apa tujuwan sing kinandhut basa sajrone dol tinuku Pak Cemplon ing youtube. Dhasar saka panliten ragam basa iki wujud ragam basa, campur kode, alih kode lan, sebab dumadine campur kode lan, alih kode. Panliten ngenani ragam basa iki kalebu panliten kualitatif nggunakake metodhe sosiolinguistik. Metodhe sosiolinguistik dadi dhasare ing panliten iki amarga cecaturan sing sinambungan marang kahanan masyarakat utamane cecaturan Pak Cemplon ing vidhio youtube ing akun dolan adoh. Tembung wigati: Ragam Basa, Pak Cemplon, Sosiolinguistik, Pasar
MAKSIM KERJASAMA SAJRONE BASA HUMOR ING AKUN YOUTUBE DAGELAN JOWO Divia Okta Wahyuningsih; Surana Surana
JOB (Jurnal Online Baradha) Vol 16 No 7 (2020)
Publisher : Universitas Negeri Surabaya

Show Abstract | Download Original | Original Source | Check in Google Scholar | Full PDF (325.25 KB) | DOI: 10.26740/job.v16n7.p%p

Abstract

Abstrak Maksim kerjasama sajrone Dagelan Jowo kalebu panliten kang nggunakake tintingan pragmatik. Basa humor sajrone Dagelan Jowo ing akun youtube iki ngandharake informasi kang lagi rame ing masyarakat. Undheran panliten, yaiku (1) apa wae wujud maksim kerjasama kang digunakake sajrone Dagelan Jowo ing akun youtube, (2) kapriye penyimpangan maksim kerjasama kang digunakake sajrone Dagelan Jowo ing akun youtube, lan (3) kepriye fungsi basa humor sajrone Dagelan Jowo ing akun youtube. Tujuwan saka panliten iki, yaiku (1) ngandharake wujud maksim kerjasama kang digunakake sajrone Dagelan Jowo ing akun youtube, (2) ngandharake wujud penyimpangan maksim kerjasama ing Dagelan Jowo, lan (3) ngandharake fungsi basa humor sajrone Dagelan Jowo. Landhesan tintingan panliten iki yaiku nggunakake konsep prinsip kerjasama panemune Grice. Dene konsep fungsi basa humor nggunakake teori panemune Fishman. Panliten iki nggunakake metodhe dheskriptif. Dhata ing panliten kasebut kajupuk saka apa kang diandharake dening paraga sajrone video Dagelan Jowo. Cara nglumpukake dhata ing panliten iki yaiku kanthi cara nyemak banjur dicathet. Adhedhasar andharan ing panliten iki yaiku (1) wujud maksim kerjasama sajrone Dagelan Jowo ing akun youtube kang ngemot maksim kuantitas, maksim kualitas, maksim relevan, lan maksim pelaksanaan, (2) wujud penyimpangan maksim kerjasama sajrone Dagelan Jowo ing akun youtube, (3) fungsi basa humor keperang dadi fungsi kanggo nglakoni sakabehane pepenginan, tujuwan, panemu, lan pesen, fungsi kanggo nyadharake pawongan yen dheweke ora mesthi bener, fungsi kanggo pamulangan tumrap pawongan kanggo ndeleng prakara saka sudhut ngendi wae, fungsi kanggo sarana hiburan, fungsi kanggo nglancarake pamikiran, fungsi kanggo njalari pawongan supaya gampang anggene toleransi marang samubarang, fungsi aknggo njalari pawongan supaya bisa ngerteni prakara pelik. Tembung wigati: maksim kerjasama, humor, Dagelan Jowo
TRADHISI KESENIAN OBYOGAN ING DESA TAJUG KECAMATAN SIMAN KABUPATEN PONOROGO (Tintingan Owah Gingsir Kabudayan) Dhio Sasetya Wardana; Octo Dendy Andriyanto
JOB (Jurnal Online Baradha) Vol 16 No 7 (2020)
Publisher : Universitas Negeri Surabaya

Show Abstract | Download Original | Original Source | Check in Google Scholar | Full PDF (202.011 KB) | DOI: 10.26740/job.v16n7.p%p

Abstract

AbstrakTradhisi Kesenian Obyogan minangka sastra non-lisan kang awujud tarian. Tradhisi kesenian obyoganditindakake saben wiwitan sasi jawa, ana ing bale desa Tajug, Kecamatan Siman, Kabupaten Ponorogo. Tradhisikesenian obyogan iki mujudake bentuk kabudayan dinamis kang ngalami owah-owahan utawa owah gingsir sakajaman biyen, nganti tumekaning jaman saiki. Obyogan iki dhewe ditindakake kanggo ngujub donga marangGusti supaya paring berkah panen kang nengsemake. Sajrone panliten iki bakal dirembug babagan mula buka,makna ubarampene, tata laksanane, owah gingsir lan pigunane tradhisi kesenian obyogan tumrap masyarakatpanyengkuyunge. Panliten iki nggunakake metodhe panliten deskriptif kualitatif. Dhata sajrone panliten awujuddhata lesan utawa barang. Teknik analisis keabsahan dhata nggunakake triangulasi dhata, yaiku mbandhingakepamawas saka narasumber siji lan narasumber liyane. Perangan-perangan kasebut bakal diandharake kanthipamawas saka narasumber kang wus suwi nyemplung lan nyengkuyung tradhisi kesenian obyogan iki. Mulabukane, dumadi saka pakulinan wong padesan kang rame-rame utawa bebarengan nalika menyang sawah.Kahanan lelungan bebarengan iku diarani obyog. Tata laksanane tradhisi kesenian obyogan iki ana persiapan,kang diwiwiti wawanrembug antara para sesepuh desa, perwakilan RT, RW lan sinoman sadurunge nglaksananitradhisi iki, dibacutake adicara kaya nyumping barongan lan suguh sega kokok, nganti punjere acara yaikuobyogan. Ubarampe kang digunakake maneka werna, ana sega kokok, wujude nguncup tegese ora ana kangluwih dhuwur tinimbang Gusti, gedhang salirang, gambaran tangan ngathung ngarep-arep berkah, kambilminangka gambaran donya kang ora waton alus dalane, cok bakal gambaran donya lan isen-isene, apem wujudpanyuwunan ayem tentrem, rokok klobot gambaran sabare manungsa lan sarana ngirim panyuwunan, pitik jawaminangka gambaran pangorbanane manungsa. Owah gingsire budayane yen biyen kanggo ngujub berkah sakaGusti, slaras lumakune jaman obyogan jaman saiki dadi kesenian tari hiburan. Wujud piguna tumrap masyarakatpanyengkuyunge kayata, bisa aweh panyengkuyung ing bab ekonomi, amarga para warga bisa nggelar daganganing sakiwa tengene papan panggonan kang digunakake tradhisi kesenian obyogan.Tembung wigati : tradhisi, kabudayan, obyogan, owah gingsir, kesenian
RESISTENSI SLAMETAN NEPTU DENING WARGA KELURAHAN BENCE, KECAMATAN GARUM, KABUPATEN BLITAR Reddy Fusuma Novanto; Sugeng Adipitoyo
JOB (Jurnal Online Baradha) Vol 16 No 7 (2020)
Publisher : Universitas Negeri Surabaya

Show Abstract | Download Original | Original Source | Check in Google Scholar | Full PDF (182.271 KB) | DOI: 10.26740/job.v16n7.p%p

Abstract

Abstrak Slametan neptu ingkang wonten Kelurahan Bence, Kecamatan Garum, Kabupaten Blitar menika minangka salah setunggalipun upacara Jawi wonten bab nyurteni diri. artikel menika ngunderaken wonten upados citasi, presentasi, lan performansi ingkang dipuntindakaken warga Kelurahan Bence, Kecamatan Garum, Kabupaten Blitar. Kanthi underan kasebat, saged kangge madosi tataranipun resistensi slametan neptu lumantar maneka warni jinisipun teknik wonten strategi citasi, presentasi, lan performansi ingkang dipuntindakaken warga Kelurahan Bence, Kecamatan Garum, Kabupaten Blitar. Asilipun, tataran resistensi wonten RT 2-RW 3 Dhusun Bence II, Kelurahan Bence, Kecamatan Garum, Kabupaten Blitar kalebet sedhengan kanthi persentase 71,17% kanthi jinisipun citasi wonten tiga, inggih menika afirmasi, ambivalensi, lan rejeksi. Jinisipun presentasi, inggih menika permanensi lan preferensi. Dene jinisipun performansi wonten tiga, inggih menika mitigasi, rekognisi lan instruksi. Saking tataran resistensi menika, slametan neptu kasil dipuntetepi wonten bebrayan. Kanthi mekaten, slametan neptu kedah langkung dipunkekahaken wonten presentasi lan performansinipun, supados mboten cures wonten wekdal tembenipun. Slametan neptu bakal eksis wonten bebrayan selami migunani dhumateng paraga ingkang ngleksanani. Minangka praktik pragmatika kultural ingkang demokratis, slametan neptu mboten saged dipunsambetaken golongan agami tartamtu. Tembung-tembung wigatos: Resistensi, Slametan Neptu,Citasi, Presentasi, lan Performansi
KOHESI LAN KOHERENSI SAJRONE RUBRIK SARIWARTA ING KALAWARTI PANJEBAR SEMANGAT EDHISI FEBRUARI-APRIL 2019 Hendyta Agustino; Surana Surana
JOB (Jurnal Online Baradha) Vol 16 No 7 (2020)
Publisher : Universitas Negeri Surabaya

Show Abstract | Download Original | Original Source | Check in Google Scholar | Full PDF (426.087 KB) | DOI: 10.26740/job.v16n7.p%p

Abstract

Abstrak Wacana kang apik yaiku wacana sing kudu nggatekake sesambungan antarukara. Bab iki mesthi kudu digatekake kanggo njaga sesambungane lan runtutane ukara. Selaras karo panemu yen basa iku ana bentuk (form) lan makna (meaning), sambungan sajrone wacana bisa dibedakake dadi rong jinis yaiku sambungan bentuk sing diarani kohesi, lan sambungan makna utawa sambungan semantis sing diarani koherensi. Kohesi lan koherensi nduweni peran sing wigati kanggo mujudake wutuhing wacan lan nylarasake wacana. Punjere panliten yaiku kepriye wujud kohesi sajrone rubrik Sariwarta ing kalawarti Panjebar Semangat lan kepriye wujud koherensi sajrone rubrik Sariwarta ing kalawarti Panjebar Semangat. Merga saka kuwi, panaliten iki nduweni ancas kanggo ndeskripsi jinis kohesi lan koherensi jroning rubrik Sariwarta ing kalawarti Panjebar Semangat edhisi Februari-April 2020. Panliten iki nggunakake pendekatan teoretis arupa pendekatan analisis wacana lan pendekatan metodologis arupa pendekatan dheskriptif kualitatif. Wujud dhata ing panliten iki yaiku pethikan ukara utawa saperangan ukara sajrone wacana sing dinuga ngandhut kohesi lan koherensi. Sumber data panaliten iki dijupuk saka wacan Sariwarta sing ana ing rubrik sariwarta ing kalawarti Panjebar Semangat edhisi Februari-April 2020. Tata cara nglumpukake dhata kanthi goleki utawa nyepakake dhata, nganalisis dhata, lan ngandharake asil dhata panliten. Asil panliten sing ditemokake ana papat jinis kohesi gramatikal lan telu jinis kohesi leksikal. Papat jinis kohesi gramatikal kasebut yaiku penunjuk (panuduh), penggantian (sesulih purusa, kiltika-e), pelesapan, lan perangkaian (pangiket). Dene kohesi leksikal kasebut yaiku repetisi, sinonimi (dasanama), lan antonimi (kosok balen). Miturut panliten uga ditemokake pitu jinis koherensi, yaiku koherensi panambahan, perlawanan, penekanan, perturutan, sebab-akibat, wektu, lan panjlentrehan. Asil panliten iki uga bisa dimangerteni yen akeh banget sarana kohesi lan koherensi ing kalawarti Panjebar Semangat mligine rubrik Sariwarta. Tembung wigati: kohesi, koherensi, lan wacana pawarta.
INTERAKSI BASA ING NOVEL NGLARI WOTING ATI ANGGITANE FITRI GUNAWAN (Tintingan Sosiostilistika) NOVIA SRI KHASNA AMANIAH; Udjang Pairin
JOB (Jurnal Online Baradha) Vol 16 No 7 (2020)
Publisher : Universitas Negeri Surabaya

Show Abstract | Download Original | Original Source | Check in Google Scholar | Full PDF (453.911 KB) | DOI: 10.26740/job.v16n7.p%p

Abstract

ABSTRAK Variasi sajrone basa ora mung jalaran panutur sing ora homogen, nanging uga jalaran kagiyatan interaksi sosial sing dilakokake ana maneka werna. Saben kagiyatan merlokake utawa njalari keragaman basa kasebut. Variasi mligine alih kode, campur kode bakal dibahas sajrone panliten iki. Alih kode minangka pristiwa alih kode teka salah siji kode sajrone kode liyane. Dene campur kode yaiku panganggone unsur-unsur basa liya nalikane nggunakake basa tartamtu. Panliten iki uga nliti ngenani bab stilistika, stilistika yaiku ilmu sing nliti gaya basa. Stilistika sing ditengenake ing kene yaiku bab gaya basa. Gaya basa yaiku cara kanggo nguntapake pamikiring lumantar basa kanthi estetik kang nuduhake kapribadining panulis utawa panganggone basa. Panliten iki nduweni ancas kanggo ngandharake lan njlentrehake babagan-babagan (1) modhel variasi basa ing novel Nglari Woting Ati anggitane Fitri Gunawan, (2) wujud campur kode kang ngrenggani interaksi basa ing novel Nglari Woting Ati anggitane Fitri Gunawan, (3) modhel gaya basa kang ana ing novel Nglari Woting Ati anggitane Fitri Gunawan. Panliten iki nduweni tujuwan kanggo ngasilake dheskripsi ngenani modhel variasi basa, wujud campur kode, lan modhel gaya basa kang ana sajrone novel Nglari Woting Ati. Panliten iki kalebu jinise panliten dheskriptif kanthi pamarekan kualitatif. Metodhe sajrone nganalisis dhata nggunakake metodhe distribusional lan metodhe agih. Asil panliten iki yaiku dheskripsi ngenani wujud interaksi basa ing novel Nglari Woting Ati. Variasi basa mligine alih kode ana 4 kedadeyan, dene campur kode ana 58 kedadeyan. Dene gaya basa ana 4 kedadeyan. Tembung-tembung wigati: alih kode, campur kode, gaya basa, novel Nglari Woting Ati.
ANALISIS KESALAHAN BASA JAWA SAJRONE POSTINGAN AKUN INSTAGRAM @AKU_TENANAN Triana Novita Rahayu; Surana Surana
JOB (Jurnal Online Baradha) Vol 16 No 7 (2020)
Publisher : Universitas Negeri Surabaya

Show Abstract | Download Original | Original Source | Check in Google Scholar | Full PDF (54.24 KB) | DOI: 10.26740/job.v16n7.p%p

Abstract

SARI Manungsa ing sajroning sesrawungan karo wong liya nggunakake basa, yaiku lesan utawa tulisan. Basa digunakake ing ngendi wae, salah sawijine basa digunakake ing medhia social. Jeneng medhia social yaiku instagram sarana kanggo unggah postingan foto utawa status sing nggambarake kahanan. Panliten iki mligi ngrembug ing akun instagram @aku_tenanan. Ing akun instagram @aku_tenanan postingan-postingane akeh panulisan kang salah ora manut karo diksi lan panulisan ejaan. Prakara sing dibeber sajroning panliten iki yaiku kesalahan basa Jawa apa wae kang ana ing akun instagram @aku_tenanan. Panliten iki ngandharake wujud kesalahan basa Jawa apa bae kang ana ing postingan akun instagram @aku_tenanan. Pendekatan sing digunakake ing panaliten iki yaiku metodhe teoretis lan metodologis. Dhata panaliten iki wujude ukara postingan akun instagram @aku_tenanan. Sumber dhatane yaiku postingan-postingan ing akun instagram @aku_tenanan. Dhata dikumpulake nganggo observasi langsung, teknik catet lan dokumentasi. Pemaparan asil analisis dhata nganggo metode informal. Asil panaliten iki yaiku wujud-wujud kesalahan basa Jawa di postingan akun instagram @akun_tenanan yaiku kesalahan diksi lan kesalahan ejaan. Tembung Kang Mligi: Kesalahan Basa Jawa

Page 6 of 39 | Total Record : 386

 4   5   6   7   8 

Filter by Year

2016 2025


Reset
Filter By Issues
All Issue Vol. 21 No. 4 (2025): Vol 21 No 4 (2025) Vol. 21 No. 3 (2025): Vol 21 No 3 (2025) Vol. 21 No. 2 (2025): Vol 21 No 2 (2025) Vol. 21 No. 1 (2025): Vol 21 No 1 (2025) Vol. 20 No. 4 (2024): Vol 20 No.4 (2024) Vol. 20 No. 3 (2024): Vol 20 No.3 2024 Vol. 20 No. 2 (2024): Vol 20 No 2 (2024) Vol. 20 No. 1 (2024): Vol 20 No 1 (2024) Vol. 19 No. 4 (2023): Vol 19 No 4 (2023) Vol. 19 No. 3 (2023): Vol 19 No 3 (2023) Vol. 19 No. 2 (2023) Vol. 19 No. 1 (2023) Vol 18 No 4 (2022) Vol 18 No 3 (2022) Vol 18 No 2 (2022) Vol 18 No 1 (2022) Vol 17 No 4 (2021) Vol 17 No 3 (2021) Vol 17 No 2 (2021) Vol. 17 No. 1 (2021) Vol 17 No 1 (2021) Vol 16 No 7 (2020) Vol 3 No 3 (2016): Volume 3 edisi Yudisium 2017 More Issue